درخواست برائے جرمانہ معافی

نہایت احترام سے گزارش ہے کہ گزشتہ روز جب میں کالج میں داخل ہوا تو براہ راست اپنی سائیکل، سائیکل سٹینڈ پر کھڑی کرنے کے لئے گیا۔ چوں کہ میں کچھ دیر سے پہنچا لہذا تمام جگہ ختم ہوچکی تھی۔ ناچار میں نے سائیکل جلدی سے اسٹینڈ کے بائیں جانب کنارے کی طرف دوڑادی۔ بد قسمتی سے بریک ڈھیلے تھےاور سائیکل غیرارادی طور پر سٹینڈ کی سرحد لوہے کی بنی گرل سے ٹکرا گئی۔ اور فوراََ اس میں دراڑ پڑگئی۔ اس پر کالج کے پراکٹوریل بورڈ کے ممبر محمد اکرام صاحب نے مجھے 400 روپے جرمانہ کردیا۔

جناب والا! میں نہایت غریب اور محنت کش باپ کا بیٹا ہوں۔ پر گرل تو گویا فکر کی منتظر تھی اور ٹوٹنے کو تیار تھی۔ حوادث زمانہ اور موسمی حالات نے اسے نیم شکستہ و زنگ الود کر دیا تھا۔ لہذا ازراہ ہمدردی جرمانے کی معافی کے احکامات صادر فرما دیجئے۔ میں آپ کا شکر گزارہوں گا۔